Ginbuksan na kaina sang hapon sa siyudad sang Iloilo ang labing una nga Museum of Philippine Economic History sa pungsod.
Ang nasambit nga museo nahamtang sa daan nga building sang Commission on Audit (COA) malapit sa Iloilo City Hall.
katuyuan sang nasambit nga museum nga pasangkaron pa ang ihibalo sang publiko sa maragtas sang ekonomiya sang pungsod pinaagi sa mga gamit kag laragway nga nagapakita sang nagkalain-lain nga industriya nag mas nagpabaskog pa sang komersyo sang pungsod.
Ang museo nga may trese kag galleries sarang makadtuan sang libre kasubong sang 23 ka iban pa nga museo nga ginadumala sang National Historical Commission of the Philippines (NHCP).
Suno kay NHCP Director Rene Escalante, napilian ang Iloilo bilang lokasyon sang museo bangod nagserbe ini nga importante nga lugar sa maragtas sang ekonomiya sang Pilipinas.
Padayon ang koordinasyon sang NHCP sa Department of Tourism (DOT) kag Department of Education (DepEd) para mangin destinasyon sang tour kag field trip ang bag-ong bukas nga museo.
