Atol sa gipahitabong Muslim Conference for Peace and Solidarity nga gipangunahan sa Darul Ifta Wadda’Wah Region XI Association, ilang gibutyag nga humanity ug human rights ang ilang giprotektahan, mapa Muslim, Lumad o Kristiyano man.
Gihatagan og katin-awan nga aduna’y may mga Muslim nga nagapaluyo sa mga kasamok sa nasud apan dili angay tawagong violent religion ang Islam tungod gitudlo pinaagi sa ilang balaod nga dili angay idamay ang mga bata, tiguwang, mga babae, lakip na ang mga simbahan sa mga away.
Subay sa Israel-Palestine conflict, gibutyag usab ni National Commission on Muslim Filipinos Davao Region Chief of Cultural Affairs Sami Buat nga immediate ceasefire ang ilahang panawagan aron sa hingpit maundang na ang gyera ug wala na’y mga sibilyan ilabi na ang mga bata nga mapagan pa.
“In solidarity with all other people, tayo ay nanawagan ng kapayapaan at lutasin at bigyang lunas ang kung ano mang sigalot, ano man ang problema sa mapayapang paraan. So we are calling for a peaceful resolution,” segun ni Buat.
RayoMaN Ivy Parido
