Roxas City, Capiz – Gin-obserbar kahapon nga adlaw sang Muslim community sa syudad sang Roxas ang selebrasyon sang Eid al-Ftr.
Suno kay Imam Ramal Malawi, nagpatigayon anay sila sang misa kaupod ang mga kautoran nga Muslim kun sa diin ginpahanumdom sa mga ini ang mga reward ukon premyo sang pagsakripisyo para kay Allah.
Pagkatapos sini, isa ka salo-salo ang ginhanda para sa kautoran nila nga mga Muslim.
Ang Eid al-Ftr amu ang ginakabig nga kapyistahan sang mga Muslin kadungan sang pagtapos sang 30 ka adlaw nga pagsakripisyo ukon Ramadan.
Nahibaloan nga base sa pahayag ni Imam Ramal Malawi, masobra na sa 300 ka bilog ang populasyon sang mga Muslim sa syudad sang Roxas.
Facebook Comments
