BACOLOD CITY, NEGROS OCCIDENTAL – Duha ka muslim dakop sa buybust operation, masobra isa ka milyon nga balor sang shabu na-recover.
Mga 21 ka bulto sang ginasuspetsuhan shabu nga may market value nga masobra isa ka milyon ka pesos ang nakuha sang gintingub nga pwersa sang City Drug Enforcement Unit (CDEU) kag kapulisan sa idalum sang Police station 6 sini nga hapon sa dalan Mabini, Brgy. 40 siudad sang Bacolod.
Sa amu nga operasyon nadakpan sanday Aisa Million, 19, Rashel Tantua, 24 kag Nelrose Sulita, 24 anyos.
Suno kay CDEU Chief Insp. James Albaytar, madugay na ang ila pagpanilag sa mga suspetsado kag natiempuhan sini nga hapon matapos nabaklan sang shabu sang operatiba.
Kaso nga paglapas sa section 5 kag 11 ukon ang paghupot kag pagbaligya sang iligal nga droga ang paga-atubangon sang tatlo nga sa karon priso sa custodial facility sang Police Station 6.
Tags: Visayas, Bacolod, Muslim, war on drugs, dvd
