Davao City – Mupailawom sa mandatory Rapid Diagnostic Test (RDT) ang tanang musulod sa probinsya sa Davao Occidental.
Gibutyag kini ni Davao Occidental Provincial Health Office Health Education and Promotion Officer Prince Paraiso sa interbyu sa RMN Davao.
Sumala niini, anaa sa 700-800 ka mga tao lakip na locally stranded individuals ang gasulod sa ilahang probinsya nga i-RD test.
“Iyan ang first defense namin with those that are coming, kasi ang mode of transmission is tao to tao especially iyong galing sa mga high incident areas iyon talaga ang mandatory na mag-RDT,” segun ni Paraiso.
Giklaro ni Paraiso nga walay bayad ang RD test ug ang provincial government ang nigasto para sa gigamit nga kits.
Subay niini, parte sa contact tracing sa Davao Occidental dunay manifesto nga kinahanglang i-fill up sa mga indibidwal nga musulod ug gawas.
Gikanayon ni Paraiso nga nagpatuman og hugot nga health protocols ang ilahang probinsya nunot sa COVID-19 apan wala nila gisirado ang ilahang probinsya.
Dugang niini, nisaka ngadto sa 3 ang kaso sa COVID-19 sa Davao Occidental matud kang Paraiso.
Samtang, muarangkada sugod Miyerkules Hunyo 10, 2020 ang 1 trip per day nga ruta sa bus gikan Davao City – Malita Davao Occidental diin drop-off points sa Sta. Maria nga mularga alas-7:00 sa buntag sa Davao City Overland Transport Terminal ug Malita-Davao ala-1:00 sa hapon.
RadyoMaN Aimee Guinita
