Gani, pirteng taasa sa pila sa mga pribadong sakyanan sa gawas sa wharf ug nagpaabot kanus-a ang ilang torno sa pagsulod sa payment section sa ticket booth.
Bana-bana sa usa sa mga kahera sa ticket booth nga dili na buot magpaila, nilibo ka mga tawo ang mitabok sa Samal gahapon adlawa.
Sigun niini, karong adlawa, kapin 400 na ka tokens ang nahurot gikan 6:00 hangtod 8:00 kon sulod sa halos tulo ka oras ug nagpasabot nga ingon niana sab kadaghan sa mga tawo mitabok sa Samal, ug wa pa’y labot ang mga pribadong sakyanan ug mga motorsiklo.
Ang matag token nagkantidad og P20 alang sa matag usa ka pasahero nga musakay og ferry diin ang kanhi pasamahe P15 kon apan karon P20 na kon dunay pag- usbaw nga P5 nga gi-implimintar karon lang tuiga.
Nagtoo ang Kahera sa ticket-booth nga ang rason sa pagdagsa sa mga pasahero kini tungod sa long-weekend gikan karong adlawa (lunes) nunot sa pag-usab sa petsa sa Bonifacio Day gikan Nobyembre 30 ngadto na sa Nobyembre 27, 2023 subay sa deklarasyon ni Pangulong Bongbong Marcos Jr.
RadyoMaN Joel Viray
