Mutia, Zambo. Norte – Malampuson gilusad sa kapolisan sa lungsod Mutia ning lalawigan, ang usa ka programang Oplan bilang kontra boga, kagahapon sa buntag didto sa mga barangay sakop sa maong lungsod.
Sa interview sa rmn dxdr ngadto kang SPO4 Zotico Calago ang Executive Senior Police Officer sa Mutia Municipal Police Station gibutyag niini nga ang maong programa sa kapolisan na gipangulahan sa ilang hepe nga si PI Antonio Tapales, gisuportahan sa local government opisyals sa maong lungsod, pagwagtang sa illegal ug ihalas nga mga armas de fuego.
Ang oplan bilang kontra boga, kini paghimo-on pinaagi sa usa ka istratihiya sa pagpasurender ug paghagbong sa mga ihalas nga mga armas ngadto sa mga dropbox nga gihimo sa kapolisan ug gi-apod apod sa 16 ka mga barangay sa susamang lungsod.
Ang tumong ug tinguha niini mao ang pagwagtang sa mga illegal nga armas ilabi na kadtong sagad gigamit sa mga dautang elemento ug walhong pundok sa ilang lugar.
Ang pagpasurender sa mga ihalas nga mga armas adunay gikatakda na tukmang panahon kini sumala pa ni SPO4 Calago, ta-as ra ang tulo kabulan ug human sa dropboxing sa gikatakdang panahon isunod gilayon nila ang pagpanronda ngadto sa mga personahe nga gikataho ug dunay igong kapasikaran nga naghupot sa illegal nga mga armas.
Gika-ingon pa sa kapolisan sa Mutia ang maong programa alkontra sa nadawat nilang report nga hulungihong batok sa walhong pundok nga naghupot sa mga ihalas nga mga armas.
