Davao City – Ipahigayon na karong adlawa ang semi-finals sa Mutya ng Dabaw subay sa selebrasyon sa ika 81st Araw ng Dabaw.
Sa 28 ka mga kandidata gikan sa tulo ka distrito dinhi sa dakbayan, 15 ka mga dabawenyas ang pilion atol sa semi finals aron magtigiay sa talent competition karong Marso 13 ug sa coronation night karong Marso 15 nga ipahigayon sa Rizal Memorial Colleges (RMC) Gym.
Ang semi-finals himuon sa Abreeza Ayala Mall ning syudad unyang alas 4 sa hapon.
Ang Mutya ng Dabaw usa sa mga major events sa nasangpit nga selebrasyon.
Sa pikas bahin, nagpahinumdom ang Davao City Police Office kun DCPO ngadto sa mga dabawenyo ug bisita nga sundon ang mga ordinansa nga ginapatuman dinhi sa syudad aron makaangkon og malinawon nga selebrasyon.
RadyoMaN Renz Barbarona
