Davao City – Gikoronahang Mutya ng Davao 2018 si Mutya #13 Shelah Faye Juntilla, 21 anyos atol sa coronation night sa RMC FilOil Flying V event center. Si Juntilla dinhi gayod nahimugso sa dakbayan sa Davao ug taga-Barangay Calinan. Nigradwar ang bag-ong nakoronahang Mutya ng Davao sa kursong Bachelor of Science in Radiologic Technology sa Davao Doctors College. Gipildi niini ang laing 68 ka mga niapil sa pageant. Gikan sa casual dress hangtod sa long gown competition tataw gayod ang iyang kumpyansa ug kaanyag. Nagpalakpakan ang tanan sa tubag niini sa pangutana sa Q & A last round: “As an empowered women of Davao City what can you do to prove that our slogan which is Davao Life is Here is indeed true?” Samtang ang laing mga finalists sila Diwa ng Davao 2018 Cindy Pauline Benedicto, Sinag ng Davao 2018 Pamela Framil, Pag-asa ng Davao 2018, Claudine Alyssandra Verga ug Patnubay ng Davao 2018 Mary Rose Vicente. Sa interbyu nagpasalamat si Juntilla sa iyang pamilya ug sa tanang mga nipadayag og suporta kaniya ilabina ang mga taga-Barangay Calinan. Buot gayod niini nga ipursiger ang iyang adbokasiya diha sa pagpalapad sa kahibalo ug pagedukar sa tanan kalabot sa cervical cancer. Ang mga hurado sa coronation night mao sila Mutya ng Davao 2003 Joan Mae Soco Bantaya, Aktor nga si Gabby Conception, DCCCII President Arturo Milan, Jose Julio ang director sa Development Bank of the Philippines-Data Center Incorporated, Atty. Salvador Panelo ang chief President Legal Council, Mamay Inn & Resort Inc. General Manager Leah Mae Luna, Q&A Trainer Aces and Queens Roentegen Bronce, Michael Dakudao ang Architect & Lifestyle writer Dakudao and Sons Inc. ug Beethoven Sur, Phoenix Petroleum Philippines Inc. Corporate Affairs Manager. Ang hosts sa Mutya ng Davao 2018 mao sila Atty. Resci Rizada, Sports Development Division of the City Mayor’s Office (SDD-CMO) officer-in-charge Michael Denton Aportadera ug 2017 Mutya ng Davao Reina Kobayashi. Giharana sa talentadong artista nga si Matt Evans ang mga Mutya finalists ug gipabilib ug nalingaw ang tanan human nga nikanta si Jed Madela. Dugang niini ania ang mga nakadaog sa special awards: Kutis Beautiterm: Claudine Alyssandra Verga Ms. Globe: Regine Anillo Ms. Manila Bulletin : Pamela Framil Ms. Phoenix: Nikki Louise Tan Ms. Friendship: Mary Rose Vicente Ms. Novelino: Jane Irish Mae Duque Ms. Bioskin: Pamela Framil Ms. Pepsi: Mary Rose Vicente Smart Texters Choice: Cindy Pauline Benedicto Ms. Photogenic: Claudine Alyssandra Verga Best in Casual Wear: Shelah Faye Juntilla Best in Long Gown: Cindy Pauline Benedicto RadyoMaN Aimee Guinita tags: dxdc 621 davao
