Mutya ng Davao 2019: Candidates nagtigi sa talent competition

Davao City – Pinasahi nga mga talento ang nasaksihan sa mga dabawenyo sa Mutya ng Davao 2019 Talent Competition nga gipahigayon sa SM City Annex sa Ecoland ning syudad sa Davao kagahapon, Pebrero 26, 2019.

Human sa pagpasundayag sa mga nagkadaiyang talento sa 15 ka mga kandidata diin dunay misayaw, mikanta, nag beat box, painting ug declamation, gianunsyo gilayon ang top 3 winners sa Talent Competition.

Base sa resulta gikan sa 3 ka mga judges, 2nd runner up ang Candidate No. 5 nga si Julia Nicole Culaste nga dunay 5,000 pesos cash prize, 1st runner up ang Candidate No. 10 nga si Jan Marine Rendon nga dunay 7,000 pesos cash prize ug gideklarang Best in Talent ang Candidate no. 3 nga si Ybonne Ortega.


Sa pakighinabi sa DXDC RMN Davao kay Ybonne Ortega, dakong kalipay ang iyang nabati gumikan sa nasakmit nga daog niini gani malaumon usab kini nga mamahimong sunod nga Mutya ng Davao.

“Ako ang next Mutya ng Davao because I have prepare and I have inculcated the true values of being a true Davaoeña. I am smart, I am beautiful, and I am disciplined enough to be successful,” ingon ni Ortega.

Dili kinahanglan nga dato ka, dili kinahanglan nga bright ka, basta passion nimo ang beauty pageant kay naa kay advocacy and sa akoa naa koy advocacy nga mental health awareness through freedom of speech, journalist man pud ko so kabalo ko unsay importansya sa freedom of speech and ang pageant dili lang pagwapahay, dapat naay ikabuga,” ingon ni Ortega.

Samtang sumala ni Ms. Maan Chua, usa sa mga judges sa maong competition, na-impress sila sa talento sa mga kandidata gani nanghinaut kini nga nalipay usab ang tanan sa nahimong resulta.

“Impress kaayo ko sa mga talent nila, naglisod mi og judge pero naa gyuy mga nag stand out more or less ang among mga desisyon unanimous man siya so I hope happy pud ang mga tao sa result,” ingon ni Chua.

Karong umaabot nga adlawng Sabado, mahibal-an na sa mga dabawenyo og kinsa ang koronahang Mutya ng Davao 2019 diin ipahigayon ang coronation day sa RMC Petro Gazz Arena, alas 3 sa hapon.

RadyoMaN Renz Barbarona

Facebook Comments