Davao City – Usa sa Christmas wish sa hepe sa Davao City Anti-Scam Unit karong Pasko mao nga unta moundang ug dili na mosulod pa sa bisan unsang investment scheme ang katawhan aron dili na sila mabiktima sa mga investment scams sa umaabot.
Sumala ni Ret.Police Simplicio Sagarino, Davao City Anti-Scam Unit Head, manghinaot siya nga dili na sila madala sa bisan unsang hanyag kabahin niini ug maghigmata na sila karong panahona.
Samtang wish usab niya sa Ginoo ngadto sa iyang pamilya nga hatagan ug maayong panglawas ug mahilayo sa bisan unsang matang sa katalagman o trahedya ug hatagan sila sa igong proteksyon sa tanang panahon.
Wish usab sa hepe sa Anti Scam Unit ang kalinaw (peace) sa atong syudad ug kalipay sa katawhan luyo sa mga nasinatiang mga kalamidad ug nga mahilayo sila sa kagubot.
Gisaad usab ni Sagarino nga andam gihapon silang motabang sa mga tawo nga nabiktima sa bisan unsang scam kun mga binuang pinaagi sa pagdangop ngadto sa ilang buhatan aron matunolan og hinanaling resolusyon.
RadyoMaN Bernard Pantallon
