Myterioso matansa

16

Con un pescador ya encontra muerto con monton tupada de bala na cuerpo y enterao pa su meja cuerpo na lodo na rio del Sitio Mialim, Vitali enantes serca man mejo dia.
Con el victim ya conose como si Alexander Hipolito y Bucoy, 40, casao de SPDA, Vitali.
Asegun na report del pulis ya queda solo na su casa si Hipolito na SPDA fishpond del Miercoles denoche y ta prepara este para anda pesca alamaniana que ez ayer.
Banda alas 6 del aga ayer ya anda su hijo para chequia consu tata na casa pero nohay si Hipolito.
Hasta po ultimo serca man alas 12 tiene ya lang quien ya mira con Hipolito enterao pa parao na rio del Mialim, Vitali y tiene este maga tupada de bala na cuerpo.
Ya lleva lang siempre conele na hospital el maga otoridad pero dead on arrival este.
Nohay idea el familia de Hipolito si porque ya mata con el diila fadre de familia ni tanto si cosa el rason consu matansa.


Facebook Comments