Ginbasura sang Department of Justice (DOJ) ang drug charges batok kay Kerwin Espinosa kag Peter Lim.
Ginpahayag nga mahina ang ebidensya batok sa mga ini kag wala nakumbinse sang mga nagtestigo ang state prosecutors rason nga gindismiss ang kaso nga pagbayolar sa Comprehensive Dangerous Drugs Act.
Dugang pa diri nga napaslawan man ang complainant nga mapresentar ang circumstantial evidence agud pamatud-an ang illegal transaction sang respondents.
Nahibaluan nga ginbasura man ang kaso batok kanday Peter Co, Marcelo Adorco, Max Miro, Lovely Impal, Ruel Malindangan, Jun Pepito kag iban pa nga high profile drug personalities.
Madumduman nga nag-ugat ang kaso sa ginapahayag kahilabtanan sang grupo nanday Lim, Espinosa kag Co sa illegal drug trade sa Visayas region kon sa diin ginbuyagyag sang tinawo ni Espinosa nga sanday Lim kag Co ang drug supplier sang Espinosa Group.
(photo from web)
