Naalarma karon ang mga pumuluyo sa banwa sang Banate angut sa mga tawo nga nagatanyag sang softdrink sa mga kabataan nga posible may hilo.
Ini matapos isa ka residente sang Barangay Libertad, Banate ang nag-post sa facebook natuhoy sa natabu sa iya hinablos nga lalaki nga ginhatagan sang softdrink sa plastic bottle.
Sa nasambit nga post ni Rhea Puada, nagalakat pauli ang iya hibalos sang duha ka lalaki nga nagasakay sa motorsiklo ang nagpalapit sa bata kag naghatag sang softdrink kag fudgee bar.
Masuwerte lamang kuno kay wala gilayon gin-inom sang bata ang softdrink kundi gindala pa sini sa ila balay kon sa diin una nga nagtigsim ang amay sini.
Ginpahayag nga gilayon nakabatyag sang paglingin sang ulo nga daw masuka ang amay sang bata matapos mag-inum sang nasambit nga softdrink.
subong man, nagtigsim man ang bata kag ang manghod sini kag gilayon man nga nakabatyag sang paglingin sang ulo nga daw masuka ang duha ka bata.
Gilayon ang mga ini nga nagpa-ospital kag ginpahayag sang doktor nga posible may ginbutang nga kemikal sa softdrink nga amo ang gintunaan sang paglingin sang ulo sang mga nakainum.
Bangud sini, nagpanugyan sa mga pumulkuyo sang Banate kag kaingud nga kabanwahanan nga mangin alerto kag indi basta-basta mag-inum sang softdrink nga ginahatag sang indi mga kakilala.
