Davao City – Dul-an 500 na ang na-detect nga mga kaso sa coronavirus disease 2019 (COVID-19) variants sa Davao Region.
Hugot nga gipahimangnuan sa Department of Health Davao Region ang publiko nga magpabakuna aron maproteksyon kontra severe infections nunot sa variants ug malikayang mahospital tungod sa COVID-19.
Kinahanglan nga tumanon sa publiko ang Mimimum Public Health Standards (MPHS).
Adunay 22 ka mga nadugang nga Delta variants nga na-detect sa Davao Region niadtong Agosto 29, 2021.
Sa report sa DOH XI, 4 niini gikan sa Davao City, 9 taga- Sta. Maria, Davao Occidental, 4 ka kaso sa Mati City, Davao Oriental, 3 sa Digos City, Davao del Sur, 1 nga taga-Island Garden City of Samal (IGACOS), Davao del Norte ug 1 sa Magsaysay, Davao del Sur.
Ang usa ka kaso sa Delta variants gikan kini sa 169 ka specimen nga gisumite ngadto sa Philippine Genome Center – Whole Genome Sequencing samtang duha gikan sa 230 specimens nga gipadala niadtong August 5, 2021.
Ang laing 19 detected Delta variant cases gikan sa 214 specimens nga gipadala niadtong August 12, 2021 alang sa WGS.
Matud sa DOH XI, sagad sa mga pasyente na-discharged ug nakarekober na sa COVID-19, apan gikinahanglan kini’g ma-reswab ug ipang-isolate para masegurong mapugngan pa ang padayong pagkaylap sa COVID-19 Delta variants
RadyoMaN Aimee Guinita
