Report ni: Tita Jen Palomo Debaja
Takna alas 9:40 sang Miyerkules sang aga sang gulpi lang nakabati ang employer sang isa ka domestic helper sa North Point nga naga syagit ini kag naga wawaw sa sulod sang iya kwarto.
Tungod lock ang kwarto sang nasambit nga domestic helper kag nagapamalibad ini nga buksan, napilitan magtawag sang police ang iya employer.
Suno sa pahayag sang amo sini, ginapatihan homesick ang ginabatyag sang DH tungod bag-o palang ini nag abot sa Hong Kong kag wala pa naka adjust sa iya obra kag bag-o nga environment.
Ginpakalma sang nagresponde nga police kag fireman ang makaluluoy nga DH kag gindala sa ospital upod man ang amo apang padayon nga naga hibi kag naga syagit samtang gina karga sa ambulansya.
Gina panugyan sa mga bag-o nag abroad kg sa mga nagaplano pa mag abroad nga kinahanglan gid ang kaisog kag pagsalig sa Ginoo. Makabulig man ang constant communication sa pamilya kag pag focus sa trabaho.
Kon day off may mga training activities kag seminars nga gina offer sa aton konsulado sa mga gusto pa gid ma enhance ang inyo abilities kag ihibalo. May mga associations man sa tagsa ka probinsya diri sa HK nga pwede intrahan agud maka adjust sa gilayon.
Ang pag abroad isa ka sakripisyo, gani antis mag pabenturar dapat isipon anay sang maayo kon paano kayanon ang trials nga masumalang ninyo.
