Na-missing nga mentally challenged nga batan-on, nakit-an na

Davao City – Luwas na’ng nakit-an human nga na-missing si Jason Aguio, 27 anyos, taga Davao City nga giingong nakasinati og mental challenges ug gipanawagan sa social media.

Sa interview sa DXDC RMN Davao kang Jassel, igsoon sa lalaki, iyahang gisaysay nga niadtong Martes July 2, 2024 sa dihang ilang gidala sa Metro Davao Medical and Research Center Inc. ang iyang igsoon aron mapa-check human kini lahi na og kinaiya ug tinubagan, nga ilahang nabantayan pagbalik niini gikan nagtrabaho abroad.

Wala matud pa nabantayan nga milakaw ang igsoon rason nga nawala kini ug tungod sa pagkatag sa impormasyon sa social media, dunay mihatag kanila og impormasyon sa gikahimutangan sa igsoon, rason nga kini nakit-an kagahapon sa kaadlawon, July 5, 2024 sa area sa Bajada.

“Actually, naay ni-contact sa amoa nga na-sighting daw nila within the area. Amoa pong giadto didto, gi-rescue namo. Nakita namo didto. Former classmate ang iyahang gi-stayhan. Maoy claim sa iyang gipuy-an didto,” saysay sa igsoon.

Planong ibalik sa pamilya ang lalaki sa ospital aron mahibal-an kung unsa ang iyahang kondisyon ug kini mahatagan og igong medikasyon.

RadyoMaN Kirby Manzon