Report ni: Jennifer Palomo Debaja
Bangkay sang Pinoy driver nga ginsulod sa freezer sang gina maneho nga delivery truck nasapwan sa Mecca Kingdom of Saudi Arabia.
Santo sa nabalhag nga balita sa Gulf Daily News, ginapatihan isa ka Egyptian ang suspek sa krimen.
Isa ka delivery drayber sang kilala nga dairy products sa Mecca ang nasambit nga pinoy kag ginapatihan kustomer man sini ang suspek.
Sa CCTV Surveillance camera nga ginakaptan sang kapulisan nakita ang pagpalapit sang suspek sa truck. Nakita man ang paghampak sini sa ulo sang pinoy kag ang pagsulod sang lawas sang biktima sa freezer asta ang pagpalagyo sini.
Ginapatihan lipong lang ang biktima sang ginsulod sa freezer kag napatay ini sa sobra nga katugnaw.
Padayon pa ang imbistigasyon sang Al- Awali police angot sa nasapwan nga bangkay kag sa identity sini.
