CAPIZ – Na-rescue na ang Capizeña OFW nga si Yolanda Villasis kaupod ang isa pa ka Pinay OFW nga taga Davao City matapos nga ginbuligan sila sang isa man ka OFW. Sa bulig sang isa man ka Capizeño nga OFW , nakapalagyo na ang duha sa ila employer nga nagamaltrato sa ila.
Kaina sang aga ginsugat ni Depeña sakay sa taxi si Villasis kag ang kaupod sini sa balay sang ila employer matapos makalab-ot sa iya ang balita. Yara na sa kustodiya sang Philippine Embassy sa Kuwait ang nasambit nga mga OFW.
Nahibaluan nga madamo na sang mga OFW ang na-rescue ang amo nga persona nga ginamaltrato sa Kuwait.
Sa madumduman nga nagpost sa Facebook si Yolanda Villasis sang Brgy. Agambulong, Jamindan, Capiz upod ang isa pa gid ka Pinay nga kabulig sa balay nga nagapangayo sang rescue bangud wala sila ginapakaon sang ila employer.
*(Photo from FB)*
