Nagtuga sang kakulba sa kapin 200 ka mga pasahero sang Weesam fastcraft sang mapatay ang makina sini pila ka minutos matapos magbiya gikan sa Lapuz wharf padulong sa siyudad sang Bacolod kaina sang hapon.
Suno sa pila ka mga pasahero nga mga 20 minutos pa lang sang makahalin sa Lapuz wharf ang fast craft sang hinali nga napatay ang makina sini sa tunga sang lawod.
Bangud sini, nagpanic ang mga pasahero tuga sang kakulba.
Nadismaya naman ang mga pasahero bangud mga 30 minutos pa ang nagligad antis ginpabalo sa Philippine Coast Guard ang natabu sa nasambit nga fastcraft.
Gintinguhaan sang mga crew nga paandaron ang makina apang napaslawan sila kabangdanan nga nagdesisyon ang fastcraft nga magbalik na lang sa Lapuz wharf sa baylo nga magderetso sa Bacolod.
Nahibaluan nga may ginlamon nga lubid ang elise sang fastcraft nga amo ang kabangdanan sang pagkapatay sang makina sini.
