Kusganon nga gipanghimakak sa usa ka Michael Ligad, taga Holy Redeemer and alegasyun nga usa siya sa mikulata ug mipatay sa usa ka pedi cab driver.
Sumala pa ni Ligad, 29, anyus nga gapataka ug tudlo kaniya ang uyab sa napatay nga pedicab kay ang iyang dagway daw “TURKO”. Atol sa pagpangulata nakita ang usa ka turko, isip usa sa mga suspect.
Angay masayran, Nabawian sa iyang hinulamang kinabuhi ang usa ka biktimang pedicab driver human kini gitabangang kulata sa duha ka mga suspetsado diha sa brgy. Obrero ning syudad sa Butuan niadtong nakalabyang gabie.
Giila ang biktima nga si Jessie Martinez, 48 anyus, ulitawo ug residenti sa P-8, brgy. Obrero ning dakbayan sa Butuan kinsa nakaangkon ug seryosong bun-og sa kalawasan human gikulata ug gibunalan sa mga suspek.
Lain pang suspect ang anaa na-preso karun mao si Michael Togi 20 anyus, kinsa parehung residenti sa P-1, brgy. Holy Redeemer ning syudad.
Iya usab gipanghimakak nga apil siya sa mikulata ug mipatay sa biktimang pedi cab driver.
Sigun sa nakasaksi sa panghitabu nga bandang alas 8 ang takna sa gabie niadtong adlawng Huebes, giatangan sa duha ka mga suspek ang biktima ug didto gitabangan ug kulata.
Daling gidala sa balay tambalanan ang biktima apan gideklara kini dead on arrival sa attending physician.
