Davao City – Kinahanglan nga mag-amping gihapon ug di magkyumpansa bisan nabakunahan sa COVID-19 vaccine.
Sa pakighinabi sa DXDC RMN Davao kang Department of Health kun DOH Undersecretary Dr. Leopoldo Vega, giingon niini nga aduna gihapo’y posibilidad nga matakdan sa COVID ang mga naturukan na sa vaccine apan hinuon ilang gipaniguro nga ang mga bakuna nga gikuha sab sa Pilipinas makatabang nga mabatukan ang moderate ug severe diseases.
“Oo naa pay posibilidad nga matakdan pero mild na, dili na muabot sa severe o moderate kay kanang miabot nga sinovac ug ubang vaccine, 100% nga makahatag sa pag-prevent sa moderate ug severe (diseases), dili nato kahadlokan kung mataptan og corona,” segun ni Vega.
Dugang sa opisyal nga malagmit makab-ot ang herd immunity sa ulahing quarter ning tuiga o sa 1st quarter sa 2022 og bastante ang supply sa vaccine aron mabakunahan ang 70% population sa nasud Pilipinas.
RadyoMaN Renz Barbarona
