South Cotabato – PATAY ang usa ka lalaki human nga mibangga ang gimanihuang motorsiklo niini ngadto sa usa ka spray tanker truck sa provincial road nga sakop sa Barangay Edwards,T’boli, South Cotabato, kagahapong adlawa.
Biktima giilang si Gabriel Mondejar Marcella Jr., 27, minyo, residente sa Bagumbayan, Sultan Kudarat.
Sa report sa Tboli Municipal Police Station nasuta nga gikan sa Barangay Poblacion ang biktima, pag abot sa lugar aksidenting nabangga ang motorsiklo niini sa spray tanker truck nga gimanihuan sa ususa ka Ilwell Libona, 44, nga taga Lake Sebu, South Cotabato.
Gumikan sa kusog nga impact, nalagpot ang biktima nga hinungdan sa pag-angkon niini ug grabeng samad sa nagkandaiyang parti sa kalawasan hilabi na sa iyang ulo nga bahin.
Wala na nadala pa sa ospital ang biktima human nga nakabsan dayon kini sa iyang kinabuhi., sa karon anaa na sa kustudiya sa T’boli PNP ang driver sa Spray Tanker Truck samtang nagpadayon pa ang gihimong imbistigasyon.
