General Santos City—patay ang pulis nga si PO1 Junjie Asentista nga nakabase sa Regional Mobile Force-12 human kining nabangaan ug tricycle nga gimanihuan sa usa ka Adolfo Balala nga taga Changco vill., Barangay Bawing , Gensan kagahapon.
Subay sa inisyal nga imbistigasyon sa Traffic Management Unit sa pagpanguna ni Police Chief Insp. Reulito Lumiguid, nasuta nga padulong unta sa Police Regional Office 12 si PO1 Asentista sakay sa iyang motorsiklo.
Apan pag abot sa national highway nga sakop sa Barangay Bawing, nabangaan kini sa tricycle nga hinungdan sa pagbalintong niini nakaangkon ug grabeng samad sa lawas ang nasangpit nga biktima kansa gidala gilayon sa Lovella Hospital sa may Barangay Tambler apan gideklara kining Dead on arrival.
Buluntaryo man usab nga mitahan sa iyang kaugalingon sa Tambler Police Station ang driver nga nakabangga sa biktima.
