Davao City – Wala misupak si Panabo City Mayor Jose Relampagos sa pagdakop sa 59 ka mga indibidwal nga nalambigit sa illegal Philippine Offshore Gaming Operators (POGO) sa Brgy. Manay, Panabo City, Davao del Norte niadtong December 6, 2024.
Sa report sa Panabo City Information Office, gibarugan sa mayor nga ang mga magbinuang sa balaod sa syudad, dili angay duphan ug angay gyud nga manubag.
Dugang pa nga unang nakig-courtesy call ang Chinese nga negosyante ug nananghid nga mag-warehouse. Giingnan sila nga mag proseso og business permit apan wala nila kini gibuhat ug nasayran nalang niining Disyembre nga illegal diay ang ilang kalihukan.
Gipalawman ang imbestigasyon ilabi pa nga alegasyong adunay opisyal sa gobyerno ang protector. Ug sa karon under investigation na sab ang mga nabiling gamit ug computers sa maong hub.
Kahinumdoman nga sagad naaresto puro mga foreign nationals diin 3 niini ang Malaysian, 55 ka nga Chinese ug 1 ka pinay.
RadyoMaN Ivy Parido
Facebook Comments
