Nagsungka ang isa ka miyembro sang New People’s Army sa banwa sang Bingawan.
Suno kay PSI Ramil Jacaba sang Bingawan PNP, nagsungka sa opisina nanday Mayor Mark kag Vice Mayor Matt Palabrica ang miyembro sang NPA sang Hunyo 29, 2018.
Ginpahayag ni Jacaba nga luyag na sang amo nga NPA member nga magpahuway bangud nabudlayan na ini magtiner kag magpangabuhi sa bukid.
Suno kay Jacaba nangin squad leader ini sang NPA.
Sa karon, ginaproseso na ang bulig sang gobyerno para sa nagsurrender nga miyembro sang NPA.
Nagpasalig naman ang Bingawan PNP nga ila ginamonitor ang kahimtangan sang amo nga tawo kag sang iya pamilya para sa ila seguridad.
Suno pa kay Jacaba nga bukas ang Bingawan PNP kag handa ang mga ini magbulig sa iban pa nga miyembro sang NPA nga luyag mag-surrender.
(photo from web)
