President Roxas, Capiz- Pilason ang isa ka 17-anyos nga menor de edad matapos nga ini ang nabun-an samtang nagapungko sa na-parking nga motorsiklo sa alas 4:30 sang hapon sa Brgy. Poblacion, President Roxas, Capiz.
Base sa inisyal nga imbestigasyon sang mga kapulisan, una nga gintapungol sang biktima ang suspek nga si Jomerson Garcia y Dalino, 18-anyos sang nasambitan nga lugar rason nga ini ang nagbalos pinaage sa pagbuno gamit ang ginasukbit nga kutsilyo.
Madasig naman nga nadakpan ni PO2 Shan Paul Bacli ang suspek samtang gindangat sa Bailan District Hospital ang biktima agud nga madapatan sang pagbulong.
Narekober sang kapulisan sa suspek ang bread knife nga nagahaba sang siyam ka pulgadas lakip na ang handle.
Facebook Comments
