Sigma, Capiz- Patay ang 81-anyos nga tigulang matapos ini ang nabunggoan sang motorsiklo alas 7 sang aga sa Parian, Sigma, Capiz.
Ginkilala ang biktima kay Leonora Celino y Calipayan nga ginbawian sang kabuhi alas onse sang aga samtang ini ang ginabulong sa Mambusao District Hospital.
Naggaguha sa imbestigasyon sang mga kapulisan nga ginasubay sang driver nga si Jayson de Juan y De Pedro ang dalan padulong sa syudad sang Roxas apang pag-abot sa amo nga lugar gulpi lamang nagtabok ang biktima rasun nga ini ang aksidente nga nabunggoan.
Yara na nakahunong sa lock-up cell sang Sigma PNP ang suspek samtang gin-impound ang motorsiklo sini nga ginsakyan.
Facebook Comments
