Sa interbyu sa DXDC RMN Davao sa Nabunturan Municipal Police Station (MPS), gibutyag nga usa ka Bajaj RE trike ug usa ka Toyota Innova ang nalambigit sa insidente.
Ang Bajaj gimaneho ni Alejandro Cabendario, 47 anyos, Barangay Councilor ug residente sa Katipunan, Maragusan, Davao de Oro, ug sakay niini ang iyang asawa nga si Lanny Cabendario, 39 anyos.
Samtang, ang Innova gimaneho ni Carlou Endorso, 35 anyos, residente sa Kinamayan, Sto. Tomas, Davao Del Norte.
Sa imbestigasyon, gikan Maragusan padulong Monkayo ang Bajaj, samtang, gikan sa Sto. Tomas padulong New Bataan ang Innova sa dihang pag-abot sa likoon nga bahin sa dalan, kalit matud pang nangilog og lane ang Innova rason nga nabanggaan niini ang kasugat nga sakyanan.
Nakahiagom og injuries ang sakay sa Bajaj diin dead on arrival sa hospital si Lanny, asawa sa driver.
Na-release na usab ang driver niadtong Sabado human nagbaton og amicable settlement tali sa pamilya sa biktima.
RadyoMaN Kirby Manzon
