Davao City – Gipasakahan na og kaso ang driver sa van nga nga nalambigit sa aksidente sa New Sibonga, Nabunturan, Compostela Valley niadtong Lunes, Marso 18, 2019 diin unom ang natalang patay human kini nabangga sa kasugat nga truck.
Sa pakighinabi sa DXDC RMN Davao kang Noel Panong, traffic investigator sa Nabunturan PNP, gibutyag niini nga napasaka na ang kasong reckless imprudence resulting in multiple homicide serious physical injuries and damage to properties batok sa driver sa van nga si Rogelio Gallenero, 50-anyos, samtang, na-dismissed usab ang driver sa truck.
Sumala pa sa traffic investigator nga ‘human error’ ang hinungdan sa aksidente. Diin kalit na lamang ni-apply og break ang driver sa van sa kurbada nga dalan sa New Sibonga rason nga mibabag kini sa karsada, hinungdan nga mibangga ang truck nga kasugat niini.
“Human error to kay pag apply niya’g break, nibabag ang lubot sa van hangtud nga nagpadulong ang forward ug nibangga sa van,” saysay niini.
Nasayran nga dead on the spot sina Jackielyn Gubato ug Anita Cantillas samtang dead on arrival sa ospital sa Tagum City sila Sim Sholto Pitos, Edjohn Cantoria, ug magti-ayon nga sila Fernando ug Getrudes Catiil.
RadyoMaN Kirby Manzon
