Davao City – Gikumpirma sa Nabunturan Municipal Police Stations (MPS) nga dili konektado sa eleksyon ang nahitabong pagpamusil sa Barangay Manat, Nabunturan, Davao de Oro niadtong Agosto 27, 2023.
Sa pakighinabi sa DXDC RMN Davao kang Police Staff Sergeant Rodel Guinita, imbestigador sa Nabunturan MPS, iyang gibutyag nga nagpadayon ang ilang imbestigasyon sa pagpusil-patay kang Omar Donaldo.
Dili pa usab ma-establisar ang motibo sa insidente apan matud niya, dili konektado sa umaabot nga eleksyon ang maong panghitabo.
“Makaingon gyud ko nga dili sya election-related kay ang ang pamilya nila, walang-wala. Dili politiko. Dili sya election-related (incident),” matud ni Guinita.
Niadtong Agosto 7, 2023 sa dihang aduna usay usa ka babae nga gipusil-patay sa nahisgutang barangay, apan personal nga bangi usab ang gilantaw nga motibo sa insidente ug kini walay kalabutan sa umaabot nga piniliay.
RadyoMaN Kirby Manzon
Facebook Comments
