Sumala sa Task Force Davao, nasakmit sa Lasang Checkpoint sa mga personahe sa Task Group Lawin sa Task Force Davao ug sa Bunawan Police Station ang mobalor sa P118, 560.00 nga shabu sa posisyon sa dinakpan nga si Villancio Niño Simudlan, 38 anyos, taga-Port Poyohon, Butuan City, Agusan Del Norte alas-4:30 sa kadlawon, adlawng Miyerkules.
Sa may Lacson Detachment, Calinan, ning syudad, arestado usab ang giingong tulo ka mga drug users nga giilang sila Leo Bendanillo Gerona, 30 anyos, Ranilo Blabagno, 39 anyos ug alyas Ferdie, menor de edad nga mga taga-Maramag, Bukidnon.
Nakuhaan kini og anaa sa 0.21 grams o mukantidad sa P3, 360.00 ang estimated street value.
Sa Sirawan Checkpoint sa Toril, arestado usab sa mga awtoridad ang usa ka Nor Hassan M. Radiamoda, 26 anyos, resident sa Brgy. Sirawan, Toril, Davao City kinsa sakay sa red Badia nga sakyanan nga adunay plate number nga 1101-723276.
Nakumpiska sa suspek ang mobalor sa P25, 600 nga shabu.
Wala usab makaikyas ang tulo ka mga giingong sakop sa small syndicate nga sila Mhielboy Guillera, 25, single; Jasper John Apostol, 20, single; and, Ronald Quirante 38, single, taga-Bakusanon, Pangantukan, Bukidnon.
Matud sa TFD, ang mga suspek nalambigit sa “paihi” modus, nga sakay sa Fuzo forward truck nga pabyahe sa Dacudao, Calinan, Davao City , nakuhaan ang mga suspek ug anaa sa P3,680 nga shabu.
Sa Calinan usab nadakpan ang driver sa van nga si Jamil M. Imam, 49 anyos, taga-Pinalangca, Pagayawan, Talarihan, Lanao del Sur human kini nagdala’g .38 nga pusil ug mga bala.
Tanang mga suspek anaa na sa mga detention facilities sa PNP ug nag atubang og mga kaso.
RadyoMaN Aimee Guinita
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
