Jamindan, Capiz – Dakop sang mga katapo sang Jamindan PNP kag 3rd Infantry Division, Philippine Army ang duha ka mga wanted nga persons sa Brgy. Jaena Sur, Jamindan, Capiz.
Pinaagi sa warrant of arrest nga ginpapaug sang korte, gin-aresto sang mga otoridad ang mga akusado nga sanday Rograciano Blanco y Gimong, 50-anyos *(top-8 wanted person in municipal level)* kag Hardie Vacaro y Venus, 29-anyos samtang ang mga ini ang nagatiner sa Sitio Pula, Brgy Jaena Sur, Jamindan.
Wala naman sang piyansa nga ginrekomendar ang hukmanan para sa temporaryo nga kahilwayan sang amo nga mga persona. Nagapangatubang sang kaso nga murder ang mga akusado agnut sa gina-alegar pagpatay sa gumangkon nga si Juvy Blanco sa 2017.
Facebook Comments
