Sa interbyu sa DXDC RMN Davao sa suspek nga si Racky Bordios, freelance computer technician nga taga-San Antonio Buhangin, gibutyag niini nga 2019 pa namugna niini ang page nga Underground Company sa Facebook diin ang suspek nagtakuban usab isip employer aron mang-recruit og massage therapists.
Matud sa suspek anaa sa lima ngadto sa unom ang iyahang nabiktima.
Sumala ni Bordios, mga ‘walker’ o mga sex workers ang target niini sa maong page.
Nangayo’g pasaylo ang suspetsado ngadto sa iyahang mga nabiktima.
Gibutyag ni PSSG. Jaqueline Ann Abu, Bajada Police Station Women and Children Protection Desk chief, gireklamo ang suspek sa usa sa mga nabiktima niining 21 anyos nga pharmacy student.
Ginahulga sa suspek ang mga biktima nga i-post sa social media ang mga sensitibong photos ug videos kung dili kini makighilawas nga maoy usa sa mga ‘requirements’ sa trabaho.
Alegasyong gimanduan mismo sa suspek nga ang mga biktima nga maoy mukuha sa video o picture isip pruweba nga nahimo niini ang gitahas kanila.
Nadakpan ang suspek sa entrapment operation sa kapulisan niadtong Pebrero 22, 2023.
Kasong RA 10364 Human Trafficking, Art 286 Grave Coercion ug RA 9995 Anti Voyeurism Act ang gipasaka batok sa suspek.
Gitun-an usab ang kasong rape nga idugang sa mga napasakang kaso.
RadyoMaN Aimee Guinita
