Nadakpang pekeng abogado kasuhan

87

Davao City – Patong-patong nga kaso ang atubangon karon sa nagpailang CPA-Lawyer human kini nasikop sa entrapment operation sa Criminal Investigatigation and Detection Group (CIDG) uban ang Toril PNP sa may Kunisawa Apartment, Durian St., So. San Roque, Daliao, Toril Davao City sa adlaw’ng Lunes.

Matud ni CIDG XI Assistant Regional chief Police Major Milgrace Driz nga ipasang-at nila karong adlawa ang mga kasong may paglapas sa Art 315 kun Estafa by False Pretenses, Art 172 Falsification of Public Document ug Sec. 12 sa RA 9165 Possesion of Drug Paraphernalia batok sa suspek nga si Juvern Reyes Garcia.


“Naa tay gikuha nga certifacation of verification sa Integrated Bar of the Philippines (IBP) wala siya sa roll of attorney ug wala pod siya na miyembro sa IBP sa Davao chapter,” matud ni Driz.

Nagpatabang sa CIDG ang complainant Juvy dela Pena Furui kinsa nabiktima sa maong dinakpan.

“Allegedly naa siya’y transaction sa pagpakitabang sa petition for recognition of foreign judgement kay bulag na ni siya sa iyahang asawa sa laing nasud apan dinhi kinahanglan niya maging single status kay aduna siya’y balak nga magpakasal utro but unfortunately dili siya makauswag tungod kay dugay ang transaksyon nga ginahimo,” sumala niini.

Malampusong nadakpan ang suspek atol sa pagdawat niini sa bayad nga P42,000 sa complainant.

Nakuhaa usab kini sa mga awtoridad og mga drug paraphernalias ug mga pekeng IDs.

RadyoMaN Aimee Guinita

Facebook Comments

From Advertisers