Gibutyag ni Dionisio Abude, CTTMO chief wala n gitolerate ang illegal nga aktibidad sa suspek nga giidentipikang si Edwin Pabilan alyas “PAYAT”.
Dismayado si Abude tungod namantsyahan ang pangalan sa ilahang opisina tungod sa maong personahe apan nisaludo kini sa kapulisan sa walay pagdapig sa ilahang operasyon kutob sa adunay mga kalambigitan sa droga.
Samtang, gibutyag sa nadakpang traffic enforcer nga na-impluwensyahan lang kini sa paggamit og droga ug gihimakak nga gapamaligya kini.
Matud kang PLTCOL Ronald Lao, Special Operation Group/City Drug Enforcement Unit chief ug PS1 Sta. Ana Police Station Commander, dugay na kining ginamonitor sa ug malampuson kining nadakpan atol sa buy-bust operation sa Quimpo Boulevard ning syudad diin nasakmit sa posisyon niini ang ang anaa sa 1.4 gramos sa shabu nga mokantidad P22,000.
Kasong paglapas sa RA 9165 ang gipasaka sa dinakpan.
RadyoMaN Aimee Guinita
