Manila, Philippines – Para sa ilang Senador hindi karapat dapat ang paghalik ni Pangulong Rodrigo Duterte sa labi ng isang Pinay sa South Korea.
Giit ni Trillanes, kung marami ang kinilig ay siguradong mas marami ang nandiri at ibinaba pa nito ang tingin sa mga Filipina.
Para kay Trillanes, hindi tama na nakikipaglandian ang Pangulo sa gitna ng pagdurusa ng nga mahihirap dahil sa tumataas na presyo ng bilihin.
Sabi naman ni Senator Bam Aquino, isa sya sa mga nadismaya sa hindi akmang ginawa ni Pangulong Duterte.
Katwrian pa ni Aquino, hindi tamang gawin ni Pangulong Duterte ang anuman na kaya at gusto nitong gawin sa isang Pinay.
Maging si Senator Panfilo ping Lacson ay hindi rin ito nagustuhan ang ginawa ni Pangulong Duterte kahit ito ay walang malisya.
Gayunpaman, iginiit ni Lacson na makabubuting mag-move on na ang lahat at wag ng isipin pa ang susunod na kapana panabik na maaring mangyari.
