Davao City – Wala nay kinabuhi nga nakit-an pasado alas 5:00 sa hapon ang usa ka tiguwang nga lalaki sulod sa iyang kwarto sa Davao Islamic Center, Cor. San Pedro Ext., Quimpo Blvd. ning dakbayan.
Giila sa mga higala niini ang anaa sa 60 anyos nga lalaki nga si Sadam.
Matud sa mga residente nag-inusara na kini sa kinabuhi ug wala na kiniy pamilya.
Trabaho niini ang maglimpyo sulod ug gawas sa mosque.
Sumala sa San Pedro PNP, nanimaho ug nadugta na ang biktima dihang nakaplagan.
Sa imbestigasyon sa Scene of the Crime Operatives (SOCO), anaa na sa state of decomposition ang biktima ug gibana-banaang anaa sa duha o tulo ka adlaw na kining namatay.
Ginasuta pa sa mga awtoridad kung unsay hinungdan sa kamatayon sa biktima.
RadyoMaN Aimee Guinita
Facebook Comments
