Report ni: Tita Jen Palomo Debaja
3 ka Filipina domestic workers sa Singapore ang gin aresto matapos ginkuha sang mga ini ang puro brandnew or “unused” nga gamit sang amo kag tuyo nga ipa door to door sa Pilipinas.
Priso sang tag 3 ka bulan kag 2 ka semana sanday Marisol Franada Panganiban 32 anyos, Mery Grace Anday Sumague 29 anyos, kag Princess Joy Cariaga Lasam, 30 anyos, pareho nga naga obra sa bungalow sang amo nga si Yang Yuen Ling.
Nahibaluan nga naga obra ang tatlo ka pinay sa isa lang ka employer. 2 sa mga ini ang 5 na ka tuig sa Singapore kag ang isa 11 palang ka bulan sa amo.
Ginpamatbatan subong nga adlaw Mayo 4, ang trio nga mapriso sang tag 14 ka semana matapos nag plead guilty sa one count of theft sa pagkawat sang 283 tanan ka mga items sa balay sang amo sa Queen Astrid Park.
Dugang sa mga items nga nakuha amo ang mga masunod 100 pieces of children’s clothing, milk bottles, keychains, cleansing wipes, and books, nga naga balor sa total nga Singapore dollars $5,416.95.
Narekuber sa posisyon ni Panganiban ang 137 ka mga items nga nagabalor sa $2,509.34 samtang naga unod naman ang box ni Lasam sang 114 naman ka mga items nga may balor $2,148.81. Nadiskubre naman kay Sumague ang 32 ka mga items kag nagabili sang $758.80.
Paagi sa interpreter, ginpalab-ot sang tatlo ka pinay nga ginhinulsulan gid nila ang ila ginhimo kag nagpakitluoy sang mas manubo nga sentensiya tungod may mga pamilya nga naga salig sa ila suporta.
Apang nagpahayag ang hukom nga bilang servant sa mga employer, gin tugyanan sila kag ginsaligan sa sulod sang panimalay gani indi gid nagakadapat nga mangawat. Dugang ni District Judge Diana Haven Ho, kon sundon gid ang layi without liniency, luwas sang multa, mapriso pa ang mga ini tubtob 7 ka tuig.
