NAG-AKO NA! | LEBANESE EMPLOYER NAG-AKO NGA SYA ANG NAGSULOD SA FREEZER SANG LAWAS NI JOANA DEMAFELIS SANG NALIPONG INI SA KASTIGO SANG IYA ASAWA

Syudad sang Iloilo-Nag-ako na ang Lebanese employer ni Joanna Demafelis nga sya ang nagsulod sang lawas sang Ilongga house hold worker sa freezer matapos nalipong ini sa kastigo sang iya asawa nga isa ka Syrian.

Sa panaysayun ni Nader Issam Assaf sa International Criminal Police Organization (Interpol) matapos sya madakpan sa iya puluy-an sa Lebanon, puno sang lagob ang lawas ni Demafelis kag lipong ini sang iya ginsulod sa freezer.

Paathag ni Assaf nagsalangisag na sya kun ano ang himuon kay Demafelis matapos nalipong sa sobra nga kastigo sang asawa nga si Mona Hassoun.


Wala man nagsaysay si Assaf kun ano ang kabangdanan sang pagkastigo sang iya asawa sa Ilongga OFW.

Ginpahayag man sini nga nagpalagyo na sa Syria ang iya asawa sang naglapta ang balita nga natukiban na ang bangkay ni Demafelis sa Kuwait.

Matandaan nga nadakpan si Assaf sa iya puluy-an sa Lebanon kadungan sang adlaw nga nagbisita si Pres. Rodrigo Duterte sa haya ni Demafelis sa Brgy. Ferarris, Sara, Iloilo sadtong Pebrero 22.

Facebook Comments