Nag-atindar sa 34th AGMA it Akelco umabot it masobra 13K ka kunsumidor

10

Ni Jay-ar M. Arante, RMN-DYKR Kalibo
Sobra 13, 500 ka kunsumidor it Aklan Electric Cooperative (Akelco) ro nag-atindar sa 34TH Akelco General Membership Assembly (AGMA) ko Sabado sa ABL Sports Complex.
Raya hay mas mataas kumpara ko nagtaliwan nga dag-on nga umabot eamang sa masobra ka 10K ro naha-rekord it Akelco ro nag-atindar sa nasambit nga dag-unan nga assembly.
Ging kalipay man ni Engr. Alexis Regalado General Manager it Akelco nga maabo ro nag-atindar sa rayang okasyon ag eaoman suno kana sa sunod nga dag-on nga mas maabo pa do magatambong kara nga anda man nga pahauman it maabong ticket para maiwasan do problema.
Nasayuran abi nga kinueang do ticket nga ging imprinta rason para mag-imprinta it uman dahil sa maabo nga naga-reklamo nga uwa sanda it ticket nga gina gamit man sa pagpa-raffle para sa andang daeagkuan nga pa-premyo.
Kaangot kara ging istoryahan sa rayang aktibadad ro naga kasari-sari nga problema nga naagyan ko rayang kooperatiba ag ging paintindi sa kunsumidor ro rason it pirme nga naiksperyensahan nga brown-out.
Samtang ro General Manager it MAGELCO o kun Maguindanao Electric Cooperative nga si Sultan Ashary Maongco ro naging bisita sa rayang 34TH AGMA makaron nga dag-on.

Facebook Comments