Sibutad, ZDN-Sulod sa tulo ka tuig nga pagtago-tago sa usa ka wanted tungod sa kasong Attempted murder, wala na kini ka iskapo pa sa dihang nahulog sa mga kamot sa tinugyanan sa gihimong operasyon sa kapulisan sa Sibutad, kapulisan sa Iligan city ug Bacolod Lanao del norte.
Ang dinakpan mao si Mike Sumondong QuinoƱes, 24 anyos nga taga Lalab 1, Brgy. Libay, Sibutad.
Didto kini siya nasikop sa Purok 4, Brgy. Magsaysay, sakop sa lungsod sa Sibutad.
Moabot sa 120mil ang mamahimong pyansa nga gipangayo korte bugti sa iyang temporaryong kagawasan.
Facebook Comments
