Gibutyag ni Captain Mark Anthony Tito, anaa na sa sulod sa kampo si Cpl. Rolly Cabal, nga gikasuha’g murder sa PNP-Special Investigation Task Group (SITG) Plaza.
Gibutyag ni Tito, hingpit nilang nakumbinsi si Cabal nga mupatim-aw sukad nga nag-absent without official leave (AWOL) kini human sa gilusad nga Board of Inquiry sa 10ID sa pagkahanaw sa usa sab sa mga suspek nga si CPL Romart Longakit.
Sama sa mga naunang gipangkustodiyang sundalo nga sila SSG Gilbert Plaza, Team Leader, CPL. Adrian Cachero, Motorcycle Driver ug sa gunman nga si Sgt. Delfin Sialsa, restricted na usab karon si Cabal sulod sa kampo.
Kahinumduman gibutyag sa SITG Plaza, nga si Cabal ug Longakit maoy gitahasan sa casing ug surveillance sa murder plot kang Plaza.
Human sa pila ka mga adlaw sukad sa pagpatay kang Plaza, gi-abduct si Longakit hinungdan nga gihimo sa 10ID ang Board of Inquiry diin nigula nga adunay koneksyon ang pagdagit niini sa krimen.
Samtang, gisilbi sa Philippine Army ngadto sa gitudlong mastermind sa pagpatay kang Plaza nga si Brigadier General Jesus Durante III, kanhi commander sa 1001st Infantry Brigade ug sa kanhi Deputy nga si Col. Michael Licyayo ang mga charges sa paglapas sa Article of War 96 (conduct unbecoming an officer and a gentleman) ug 97 (conduct prejudicial to good order and military discipline).
Sa national media interview, gisulti ni Lt. Gen. Romeo Brawner Jr., Philippine Army chief, nagpadayon ang pre-trial investigation ug natunol na ang mga kopya sa charges sa duha ka mga respondents ug parehong nakahatag na kini’g mga counter affidavits.
Matud kang Brawner nga gitun-an sa ilahang Judge Advocate General ug Provost Marshal ang mga counter affidavits nila Durante ug Licyayo nga anaa karon sa Army Headquarters sa Fort Bonifacio, Taguig City.
RadyoMaN Aimee Guinita
