Davao City – Kasong paglapas sa PD1727, Anti-Bomb Joke Law ang atubangon sa usa ka lalaking nag-bomb joke sulod sa Roxas Night Market.
Sa interbyu sa DXDC RMN Davao kang Task Force Davao Commander Col. Darren Comia, nadakpan ang suspek nga giidentipikang si Michael Jhon Algones Liporada, 34 anyos, taga- Sta. Cruz, Kaputian, IGACOS, Davao del Norte human kini misyagit og bomba atol sa pag-inspeksyon.
Daling miaksyon ang mga awtoridad ug gihiling ang backpack niini ug walay nakitang bomba sa sulod.
Gi-turn over gilayon ang maong lalaking nag-bomb joke ngadto sa Sta. Ana Police Station.
Hugot nga nagpahimangno si Comia sa publiko nga dili magbugal-bugal may kalabutan sa bomba tungod mamahimo gayod nga masilotan ang mga violators.
RadyoMaN Aimee Guinita
Facebook Comments
