South Cotabato—gibutyag ni Police Captain Samuel Bascon Jr. ang hepe sa Tupi Municipal Police Station nga anaa na sa maayong kahimtang ang estudyanteng napusilan nga si Elouie Jay Galupo, 20 anyos, nanimuyo sa Purok , Barangay Acmonan Tupi Sot. Cot. Alas 6:40 ang takna sa gabie.
Sumala pa ni Bascon nga nagtindog lamang ang biktima sa waiting shed atubangan sa Brgy.Hall niadtong panahona aron lang unta mag facebook gumikan kay kusog ang signal sa lugar nakit-an matud pa sa biktima ang duha lalaki sa ngitgit nga bahin haduol lamang sa lugar og miduol ngadto kaniya.
Paglingi sa biktima kalit lang kining giposil igo sa tuong bahin sa nawong ang estudyante.
Gilayon man usab nakadagan ang biktima nga nangayo ug tabang og gidala sa ospital ang nasampit samtang paspas man usab misibat ang mga suspek nga nagbaktas lamang palayo sa lugar
Dugang saysay ni Bascon nga ang biktima dili maoy target sa mga suspek ug usa sa motibo nga ilang nakita posibleng nasuko ang mga suspek sa biktima gumikan kay dugay mihawa sa lugar kay niadtong higayona dunay gihulat ang mga suspek nga maoy ilang posibleng target. (Reynald Timario)
