Kalit lamang nipadangat sa iyang panimbaya ang imong silingan nga dili man mo close ug halos dili magtinagdanay kung magsugat sa dalan. Tuod diay nilansad kini sa pagka kagawad sa inyong Barangay. Maokini ang sagad nga gakahitabo sa imong Barangay karon, ang kaniadtong dili gapamansinsa imoha kalit nga naka-ila nimo sa tuyo nga makuha ang imong boto.
Nikalit pagka aktibo ang mga kagawad ug Punong Barangay karong panahona tungod kay nagkaduol na ang pili-ay sa Barangay. Daghang mga proyekto ang gipatuman nga kunuhay maka benepisyo ang mga katawhan sama sa Medical Mission, Operation Tuli. Liga sa Barangay ug daghan pang uban
Pipila na ka mga adlaw human niarangkada ang pag file ug certifico de candidature alang sa buot magpapili sa SK ug Barangay elections namatikdan nga medyo menus pa ang mga nakapasang-at sa ilang intensiyon sa umalabot pili-ay.
Sumala sa mga eksperto sa politika, hangtud karong mga panahona daghan pa ang wala maka desider nga mga katawhan sa Barangay kung modagan ba o mosuporta nalang sa ilang gituohang kandidato nga angayang botaran. Samtang ang uban naniid pa kung asa nga kabaw maayo makatungtong.
Namatikdan usab nga sa mga dagkong Barangay sa syudad daghan ang magpapili pag usab o di kaha ang ilang mga paryente ra usab ang ipa dagan
Gipasabot sa COMELEC ang ang SK ug Barangay Elections kay non-partisan o walay mga partidong gilabanan ang mga kandidato.
Apan tin-aw ug tataw nga dili kini malikayan hilabi na sa mga kandidato nga nakasandig na daan sa mga dagkong Politiko sa syudad.
Ikaw idol naa na ba kay giplanuhang botaran sa SK ug Barangay Elections?
