Sa interview sa DXDC RMN Davao kang PSSg. Rodel Anunciado, imbestigador sa Caraga Municipal Police Station, iyang giila ang biktima nga si Pedrito Capiña Jr., 51 anyos, residente sa nahisgutang lugar.
Saysay sa imbestigador nga mga alas 10:00 sa buntag sa dihang niadto sa ilang sagingan si Anunciado apan dugay kini nakauli. Alas 2:00 sa hapon sa dihang giapas kini sa iyang asawa ug didto nakita nalamang ang biktima nga naghigda na sa usa ka drop wire ug wala nay kinabuhi, diin posibleng nabitik kini sa maong wire.
“Kining biktima, ang asawa sa iyang igsoon gina-ingnan niya nga ‘Maka-kuryente baya na’ng wire. Paghinay-hinay mo dinha kung magtugway mo’g kabaw, ayaw mo’g kumpyansa ana nga wire.’ Nagapahimangno ni siya (pero) siya na hinuon ang nakuryentehan,” saysay sa pulis.
Midumili na usab ang pamilya nga ipailawom sa otopsiya ang biktima diin klaro matud pang aksidente ang nahitabo.
RadyoMaN Kirby Manzon
