Davao City – Usa ang patay duha samdan human gipangtigbas sa ilang kainom sa Purok Avocado, Brgy. Wines, Baguio District, Davao City.
Giila ang biktimang namatay nga si alyas Dado, 61 anyos, laborer samtang ang samdan nailang si alias Ron-ron nga anaa sa intensive medical treatment sa Southern Philippines Medical Center (SPMC).
Gibutyag ni Police Major Ricky Obenza, Station Commander sa Baguio Police Station, tungod sa utang nagkainitay ang suspek nga giilang si alyas Bert, 34 anyos, taga-Jose Abad Santos, Davao Occidental ug ang duha ka mga biktima.
Gitigbas sa suspek gamit ang karit si Ronron, apan sa dihang nakita sa biktimang si Dado, gibunalan niini ang suspek og kahoy hinungdan nga nibalos usab ang suspek ug natigbasan sa likod ang biktima hinungdan sa iyang kamatayon.
Nadakpan ang suspek sa gihimong hot pursuit operasyon sa kapolisan.
“Naginom-inom ni sila’g tuba didto, nagka heated argument naabot sa punto nga nagtinigbasay na sila. Patay ang isa, ang isa naa sa ospital. After 10 hours nato nga hot pursuit atong nakuha ning suspek,” matud niini.
Sumala ni Obenza, kasong murder ug frustrated murder ang atubangon sa suspetsado.
RadyoMaN Aimee Guinita
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
