Nag-inom kulang ang inugbayad ginpablotter sa pulis

BACOLOD CITY – Duha ka nga contract job worker ang ginreklamo sang tag-iya sang isa ka ilimnan nga kulang ang ila ginbayad sa ila gin-inom kagab-i sa isa ka bar sa Brgy. 17, ciudad sang Bacolod.

Ang complainant ginkilala kay Divine Abellanida, 26 anyos, residente sang Hilado St., Brgy. 17, tag-iya sang RDS Place KTV Bar nga nahamtang sa dalan Hilado.

Nakilala naman ang duha ka customer nga ginareklamo nga amo sanday Andrew Kudahap kag Jamames Ramirez, legal ang mga edad lunsay pumuluyo sang Purok Mahimulaton, Brgy. Banago kag trabahante sang isa ka bodega sa Reclamation Area.


Suno sa tag-iya may mg alas 9 kagab-i, nag-inom inom sanday James kag Andrew kon diin naglab-ot sa P950 ang ila bill kag sang ginsukot na, P530 gid lamang ang ila ginbayad bangud suno sa ila, wala na sila sang kwarta.

Bangud sini, nagdagon dagon pakadto sa Police Station 1 ang tag-iya kag ginpablotter ang duha niya ka customer./dyHB BACOLOD

Facebook Comments