PANIT-AN, CAPIZ – Maswerte nga nasalbar sa pat-od nga kamatayon ang isa 23-anyos nga mister matapos ini ang nag-inom sang hilo sa Brgy. Cabangahan Panit-an Capiz./
Ang biktima ang tumandok sang banwa sang Maayon kag sa Panit-an na nagapuyo kaupod ang iya asawa kag isa ka anak.
Suno sa imbestigasyon snag mga kapulisan, masami nga naga-away ang biktima kag ang nagabusong sini nga asawa kabangdanan nga naglaong ang babaye nga magalakat na lamang padulong sa Metro Manila agud nga makalikaw.
Diri posible naakig kag naglain ang buot sang mister gani nga nagkuha sang botelya nga ginagamit bilang pestisidyo kag ini ang iya nga gin-inom.
Sa subong yara na sa estable nga kondisyon ang nasambitan nga biktima matapos ini ang gindangat sa Bailan District Hospital.
photo © web
